قرص عقيلي حق اول يوم عيد BY FOOD O GRAPHY Q8

قرص عقيلي حلو كويتي شعبي عبارة عن كيكة بالهيل والزعفران تؤكل عادة مع الشاي أو الحليب المهيل وفي بيتنا وجودها بأول يوم العيد ضروري

نبدي بمقاديرها

طحين أبيض 2 كوب

نص كوب زيت نباتي

4 بيضات

علبة روب

سكر 1 كوب

1 ملعقة أكل بيكنج باودر

ملعقة كبيرة ونص هيل مطحون

ملعقة وسط زعفران منقوع ب 4 ملاعق كبار ماي ورد

سمسم للزينة

أول شي نسخن الفرن على درجة 350

ننخل الطحين قبل استخدامة ، ونضيف عليه البيكنج باودر ونخليه على جنب

نحط السكر والزيت بماعون بايكرس ونضربهم بخلاط الكيك اليدوي مدة دقيقة وحده

بعدها نضيف البيض ، وحدة وحدة

بعدها نضيف الهيل يفضل انج تطحنين الهيل مباشرة قبل استخدامة 

آخر شي نضيف شوية طحين وشويه روب لحد ما تخلص كل الكمية الطحين والروب

الحين خلطة الكيك جاهزة بقى نضيف الزعفران

Spachler لما نضيف الزعفران نحرك خلطة الكيك بملعقة خشب أو بال

ندهن القالب اللي بندخلة الفرن

عادةً يدهن بهرده ( طحينه ) ويرشونه بسمسم ، بس آنا أفضل أدهنه بالسبراي الخاص بالكيك المانع للالتصاق بس اذا مو متوفر ممكن تدهنين قالب الكيك بزيت نباتي 

نصب خلطة الكيك بالقالب وندخلة الفرن من 30 الي 45 دقيقة

THANKS FOOD OGRPHY